Shim bynta da ki spah tylli ki Taxi, ha jingialang ki ar-seng

Shillong, 28 Nailar:
Ha ka jingialang kaba la khot da ki ar-tylli ki sengbhalang kiba kynthup ia ka Meghalaya peoples’ united front (MPUF) bad ka Khasi Jaintia National Union (KJNU) ha ka 27 tarik mynta u bnai ka la long ka ba shongshit bad kaba jop ha kaba bun na ki taxi kamai ki ba kamai hapoh ka sor Jowai region kila iawan ban ia shimbynta bad ha katei ka sngi ki nongniah kali kamai.
Ha katei ka jingialang la pynsngew shibun ki jingeh kiba ma ki ki ia kynduh bad ki la pynpaw hi ruh ia ka jingbymbiang ka jaka ieng kali namar ba la bun tang da ki no stoping zone bad ka jingbymlah ka district transport office ban ai ia ki kot kali kum ka permit haba pynthymmai ha ka por ba biang bad kumta ter ter.
Ha ka ne ka jingialang la pyniaid ia ka da u general secretary jong ka seng KJNU, u samla Bishar Samaiang bad la ioh ruh ia ki jingkren lyngkot na u president ka KJNU u samla Niman N Shadap ha kaba na ka liang jong u la pynpaw ka jingbitar halor ka jingpyndonkam bakla ia u National Emblem ka ri ha ki stiker jong ki taxi Jowai Region, hadien nangta la ioh pat ka jingkren na u wei na ki trai kali taxi u rangbah Poila Lyngkot hadien pat la ioh ia ka jingkren na ki katto katne pat ki nongniah kali bad kumjuh ruh na ki trai kali bad khaduh eh la ioh ia ka jingkren na u president ka seng MPUF u samla D.wanmi Laloo haka ba na ka liang jong u u la pynpaw ba ki sticker jong ki local taxi ladei ban pynkylla noh namar ba la pyndonkam ia u national Emblem jong ka ri India ha ki sticker bad u la kyntu ruh ia ka DTO ryngkat bad ka jingmaham ba ka dei ban leh ia ki kam jong ka kum ka ophis bad lada kam leh ki ar- seng kim banse ban shim da kiwei pat ki rai.
Ki arseng ki kular ruh ban leit ia kren bad ki bor kiba halor halor ki ba bun ki jingeh jong ki nongniah kali kiba ki nongniah kali kamai, ki la pynsngap ha ki ar-seng bad ki ar-seng kin bud dien ia ka ne ka mat pynkut ka jingkren na u samla D Wanmi Laloo bad la ioh pat ia ka jingkren ai khublei, na u General secretary ka MPUF u samla Aimonbha syad bad la pynwai pat ia ka jingialang da u samla Bishar Samaiang.