Shim bishar ka UEFA, ia ka England, ba siat da ka lazer, na ka ngab jong u kol ka Denmark

Laussane:Ka UEFA, ka la sdang ban tohkit pyrshah ia ka England, halor ka jingleh khlem akor jong ki nongpeit kai jongka, ha ka jing ialehkai Semi final jong ka Euro 2020 bad nangta sa ka jing pyn thaba, ha ki ngab lane ba siat da ka lazer jong u nong ap kol, ka Denmak, U Kasper Schmeichel, da ka jingshait jingshai.

Ki dur, kiba la pyni ha ki lad pathai khubor, ki pyni ia ka jingshat jingshai kaba jyrngam, kaba la pyn shat ha ka khmat jong U Schmeichel, ha shwa ba un shut penalty U Harry Kane. Ym tang katta, la don ruh ki nong kyrshan ka England, kiba ia hylla, ha ka por ba dang rwai ia ki jingrwai ieid ri jong ka Denmark, ha ka jaka ialehkai ha Wembley.

Ka bor pyniaid ialehkai jong ki ri Europe, ka kren shai, ba ka la sdang ban tian bishar, halor ka jing pyn thaba da ka laser sha u nongap kol ka Denmark, bad nangta sa ka jing pynbthei bom, da ki nongpeit kai.
Ha ka jingshut penalty, hynnin ka miet, U Schmeichel, ula ioh tied ia ka bol jong U Harry Kane, hynrei U Kane, ula ioh biang ban shut sa shisien bad hangta, u sa ioh ban shut biang sa shisien bad pynrung jar. Ka England, ka ioh ban rung sha ka jing ialehkai phainal, hadien 55 snem jong ka ialehkai euro cup bad kin ialehkai pyrshah ia ka Italy ha ka Sngi U Blei ha Wembley.