Shibun ki longiing ha shnong Umtham, ki ioh jingmyntoi na ka SBM

Nongpoh: Ki la don shibun ki longiing na ka shnong Umtham ha Ri Bhoi, mynhynnin ka sngi ki la ioh pdiang shibun ki tiar jingdonkam hapoh ka shnong lyngba ka Swachh Bharat Mission, ka shnat treikam kaba ju iatreilang bad ka tnat PHE, na ka bynta ban wanrah ia ka khuid ka suba ha ki shnong ki thaw.

La sakhi ia katei ka sngi, da ka jingdon u Bah Jason S. Mawlong, MLA ka Umsning, uba la long kum u kongsan, ha ryngkat ka jingdon ki ophisar ka PHE, ki briew jong ka SMB, ki nongialam shnong bad ki paitbah.

Ki tiar ba ki paidbah na katei ka shnong ki la ioh na ka SBM, ki kynthup ia ki borti ban pynlong jaka bret niut, ki kali rit ba shu niat da u briew lem bad kiwei ki tiar khnang ba ki paidbah kin ioh ban pyndonkam, pynban kaba la pynkmen eh ia ki paidbah, ka dei ba ki la ioh ia kawei ka jaka bret ia ki ñuit ki nier hapoh katei ka Shnong, ia kaba la plie da u Bah Jason S.Mawlong.

Haba iadei bad kitei ki tiar ia kaba la ai sngewbha da ka SBM, na ka liang ka u Bah Jason S. Mawlong, u la kynti ia ki paitbah na katei ka shnong, ba ki dei ban sumar bha bad ba ki sngew kum ki mar lajong.