Shibnai khlem ding ha Barato

Shillong,12jymmang:
Ka seng Nangkiew irat Youth Welfare Organisation (NYWO) Barato, West Jaintia Hills District ka la phah jingthoh sha u Chief Executive Officer (Eastern Circle) Megha laya Energy Corporation Limited (MeECL) Jowai, West Jaintia Hills Distict, ban pynbiang ia ka bording ha ka shnong Barato, ha kaba katei ka seng ka la kam ba kumba long mynta ka Bording Electric kaba hap hapoh ka supply jong ka Barato Sub Station ka la duh ne

lip noh naduh ka 15 tarik u iaiong haduh mynta kaba la ktah ia ki bun tylli ki Shnong jong ka thain Barato kiba kynthup ia kaThadialong, Samatan, Shilliang Myn tang,Thadsning, Khliehsniriang, Thangrain, Barato, Maitdein, Mukroh bad Saba.
Ka Seng kala pynpaw ba kane ka jinglip ka bording electrik ka la ktah shibun ia ka pule puthi ki khynnah skul, ka jingtreikam ha Iing ha sem bad khamtam ka jingtreikam hapoh ka Barato PHC, ha kaba kane ka PHC ka donkam bha ia ka bording electric na ka bynta shibun ki case jong ki Nongpang.