Shibnai ai por ka NSCN(K) ia ka Airtel

Shillong,  8 Naitung:
Ka NSCN(K) ba ialam da u SS Khaplang ka la ai por shibnai ia ka kompeni Mobile ka Airtel ba ka dei ban mih noh na ka jylla Nagaland bad ba katei ka kompeni ka dei ban lum noh ia baroh ki jingtei jong ka na Nagaland. Ka la byrngem ba lada ka Airtel kam weng dalade hi katei ka seng lehnoh kan leit ban pynpra hi noh hadien ka shibnai. Ka NSCN(K) ka la byrngem ban beh noh ia ka Airtel na Nagaland da kaba kynnoh ba katei ka kompeni ka ialam bakla da kaba pynmih ia ka jingiapait hapdeng ka NSCN(K), ki seng bhalang bad kumjuh ki paidbah Naga.