Shi taiew, yn pynher lama iong ha ki Bank nongkyndong

Shillong,7 Nailur:
Kum ka dak ka jing pynrem ia ki runar kiba la pyniap dusmon ia u Syrpailutphar Khong lam, ka Meghalaya Rural Bank Officers Association ha ka jingialang kyrkieh jong ka kaba la long ha ka 30 tarik u nailar, ka la shim ia ka rai ban pynher da ki lama iong shi taiew lynter ha baroh ki tnad treikam jong katei ka bank kyn thup naduh ka Head office, Regional Offices bad baroh ki tnad jong ka ka ban sdang naduh ka 10 tarik mynta u bnai.
Shuh shuh ka jingialang jong ki ophisar ki bank nongkyndong ki la shim ruh ia ka rai ban ia deng lama iong kaba kynthup ia baroh ki ophisar bad ki nongtrei bank ha ka 10 tarik mynta u bnai, kum ka dak jong ka jingpynrem halor ka jingsha pyniap u para nongtrei jong ki. Ki la rai ruh ban tah Poster ha baroh ki Head Office, Regional Office bad baroh ki tnad ia kaba kin pynjari noh mardor.
Ha katei ka jingialang ki ophisar ka bank nongkyndong ki la pynlong ruh ka jingsngap jar kaba ar minit kum ka jingduwai kyrpang kum ka dak ka jingburom ia ka mynsiem utei u para dkhot ba la leit noh. Ka seng ka la ai khublei ruh ia ki pulit kiba la leh shitom ban kem ia ki runar kiba la donkti ban pyniap ia bah Syrpailutphar Khonglam ha ka miet 26 tarik u nailar ha jaka sah basa jong u ha Iooksi.
Katei ka Association ki ophisar ka bank nongkyndong ka la pynkynmaw ruh ba ki dkhot jong ka watla hapdeng ka jingbun kam ki la ia beh wut wut ban ia don ryngkat bad pynshngain ia ki bahaing hasem ka lok , ki khun jong utei u rangbah ba la khlad noh tang mar ia ioh jingtip bad ka la pynkynmaw ba ka la ia don ryngkat naduh ka sngi bal eh ia ka post mortem haduh ban da pynkhuid ia ka met jong u.
Ka kyrwoh ka la pyntip ba ka Association ka la shim da kitei ki lynti ban pynpaw ia ka jingpynrem halor ka jingshah pyniap utei u rangbah, namar ba lada shim da ki lynti kiba kham khor kan ktah ia ka jingshakri ia ki paidbah.