Shi taiew, yn kamai U Salman Khan T.31klur na ka iakob Bigg Boss 13

U Salman Khan, un pyniaid biang ia ka jingiakob Bigg Boss ha kane ka sien kaba 13 bad la iathuh ba ha kane ka sien kaba mynta, U Salman, un kamai haduh T.403klur na bynta katei ka jingiakob, ha kaba yn pyni 26 sien ha ka telebishon bad ha katei ka dor, ka pyni ba U Salman, un kamai kumba T.31klur na kawei ka sien ialehkai, kaba kynthup ia ka jingring dur ia ki nongiashim bynta bad kaba U Salman, u dei ban don ha kitei ki jingiakob bapher. Ha u snem ba ladep, la iathuh ba U Khan, u ioh kamai hapdeng ka 12 haduh 14klur, na kawei kawei ka jingshim bynta jongu ha katei ka jingiakob Bigg Boss.
Ka jingialehkai Big Boss 13, kan sdang naduh ka 29tarik Nailur 2019 bad kan ioh ban khring ia shibun ki riew pawkhmat ha katei ka jingiakob, wat la ia ki nong iashim bynta, ym pat lah ban tip thikna haduh mynta.
Ka Big Boss 13, ka la pyrshang ban tan ia U Jay Bhanushali, U Navjyot Gurudatta bad ka don ruh ka jingiakren ba U Karan Patel, ka Zareen Khan bad U Rajpal Yadav, kin iashim bynta ha katei ka jingiakob ha une u snem.