Shi lak shi bnai kamai ka Park, na ki nongrungkai

Shillong, 24 Nailar:
Ka park ne jaka bam lyer pynngad ka Lady Hydari Park Cum Mini Zoo, ka kamai tang kumba T.1 lak ha ka shibnai na ki nongwan shangkai pyngngad. Katkum ka jingiakren bad u Range Officer ba peit ia kane ka park, u Bah L Nikhla ka jingwan ki nongrung kai ha kane ka jaka, ka kham jur bha ha ki sngi shuti ne ki sngi lehkmen ba ju rakhe ha ka jylla.
U Bah Nikkhla ula ong ka jingwan rung ki briew ka kham bun bha ha ka sngi Saitjain bad sngi shuti bad bun kiba wan shongkai ki dei ba wan ialam kai ia la ki khun ki kti. Bun ki briew ki kwah ialam kai ia la ki khun ki kti ban wan peit kai ia ki mrad kiba buh ha katei ka jaka. Ka dor bai rung ka long T.5 ia ki rangbah bad T.2 ia ki khynnah khun lung.
U la ong ba la pyr khing bha ia ki briew haba ki wan rung kim dei ban pynlong jaka iadih kyaid bad thaw jingkul mar bad lada lap ym banse ban beh noh shabar naba ka pynjah burom kham tam kiba wan ialam kai ia la ki khun shi iing shi sem.
Ha u snem 2011-12 ka la kamai haduh T.14 tam katba ha u snem 2012-13 ka la hiar sha ka T.13 lak tam bad ha u 2013-14 ka long T. 12 lak tam.