Shillong: U MLA ka BJP bah Sanbor Shullai ula kit shi khoh ki jingdonkam ka jylla ha ki myntri sorkar pdeng.
U bah Sanbor uba dei ruh u chairman ka Meghalaya Tourism Development Corporation (MTDC), lem bad u president ka BJP Meghalaya bah Ernest Mawrie, kila iakynduh ia u myntri Tribal Affair u Arjun Munda ha jaka sah jong u ha 25 Tughlak Road New Delhi ha ka 21 tarik Kyllalyngkot bad kyrpad ia u myntri ban mang pisa ia ki kam ba iadei bad ki kam jngohkai ha jylla kum ka Orchid Hotel, Polo.
Ula pan jingiarap ruh ban pynbha ia ka Seng Khasi Mawkhar bad Raid Laban Cultural Centre ban kyntiew ia ka riti dustur u Khasi.
U president ka BJP ula kyntu ia u myntri ban iarap ia ki MDC ka BJP ha JHADC ha Meghalaya ban ioh ia ki skhim pynroi na ka sorkar pdeng na ka bynta ki paidbah. Ia kane ka kam la kyrshan ruh da u Ram Madhav. Ha kane ka jingiakynduh, u myntri tribal affairs ula pynthikna ban thaw ki lad ki lynti ban iarap ia ki mat ba la pynsngew da u bah Sanbor bad u president ka BJP.
Kila iakren ruh ia kiwei ki kam ba iadei bad ka roi ka par ha ka jylla.
Phi don ban ong eiei?