Shi bnai tulop, synniang u Dr Mukul sha ki lanot Uttarakhand

Shillong, 24 Jylliew:
U Myntri Rangbah ka jylla u Mukul Sangma, u la pynbna paidbah ba un noh synniang shi bnai tulop sha ki lanot kiba iakynduh ha ka jingjia ha Uttarakhand. U Myntri Rangbah u la ong ba ki 60 ngut ki MLA ruh kin synniang lem sha ka Chief minister’s public relief fund ban iarap ia ki lanot mariang ha katei ka jylla.
“Ngi kyrpad ia baroh ki MLA na ka party Congress bad bym dei na ka party Congress ban noh synniang lem sha ki lanot” la ong u Dr Mukul hynne ka sngi Nyngkong.
U la ong ba u la dep thoh sha baroh ki 60 ngut ki MLA bad kyrpad ia ki ban noh synniang lem shi bnai tulop ban ai sha ki lanot ha Uttarakhand.
“Ngi dei ban ieng lang bad ban ai ia ka jingiarap sha ki lanot namar ba ka dei ka jingjia kaba dei ha ka ri bad bun ki mynsiem ki la duh” la ong u Dr Mukul.
U Dr Mukul u la kyrpad ruh sha baroh ki nongshong shnong ka jylla kiba kylluid mynsiem ban ai jingiarap kin sngewbha ban noh synniang sha ka CM’s Relief Fund. Nalor ka jingiarap, ki shipai na Meghalaya ki la poi sha Jharkhand ha kane ka sngi u Blei.
“Nga la phah ia ka kynhun kaba kynthup ia ka Meghalaya Paragliding Association ban iarap ia ki lanot”, la ong u Myntri Rangbah.