Shi bnai thang sharak ka Pomura

Shillong, 24 Risaw:
Ka Dorbar shnong Pommura ka pynpaw ia ka jingbitar ia ka tnad treikam ka MeECL ka bym shym la suid niew ia ka jingkyrpad jong ka shnong Pommura ban maramot noh khamkloi ia ka Light ha shnong Pommura kaba la pynlong ia ka shnong ban thang sharak la jan dap shi bnai.
Ha ka jingpynlait khubor, u Bristar Mawthoh u Finance Secretary Dorbar Shnong Pommura, u la ong ba ha ka jingshisha na ka liang ki Nongkitkam shnong ryngkat ka seng samla Shnong,FKJGP ,KSU ki la ia kynduh ia u SDO ban maramut khamkloi bad na ka liang jong u u la kular ban leh khamkloi hynrei haduh mynta ruh kam shem la poi shano shano ruh ki shu long pynban tang ki jing kular kai.
Ka shnong ryngkat ka Seng samla shnong, FKJGP,KSU ki kla kyntu tyngeh ia ka MeECL ban pynkloi ban maramot noh katba lah namar ka la ktah ia ki khynnah pule ba la jan ka Exam,bad ha ka juh ka por ka don ka jingiaseng bah jong ka Balang Catholik.
“Lada katei ka tnad kam lah ban maramot noh khamkloi na ka liang ka shnong ryngkat ki seng kan sa lum da ki jingialang ban ia pyrkhat namar ka jinglip light ba khah khah bad mynta lei ka shnong ka la shongdum syndon katba ka bai Bill Light pat man la u bnai ki paidbah ki hap ban siew sha katei ka tnad sorkar”, u la ong u Bah Bristar.