Shi bnai T.60 lak, iaid iew U Colgate ha Khasi Jaintia

Shillong, 17 Naitung:
Ha kane ka juk mynta tang shu khie na jingthiah, naduh ki khyn nah rit haduh kiba la tym men laleit kynrup beit ha u Colgate ban pyntha ba bad pynkhuid ia ki bniat.
Ha ka jingtwad jingtip jong u Rupang ia ka jingiaid iew jong u dawaishut bniat Colgate bad kiwei kimar kum u brut shut bniah, ka la kot sha ka T.60 lak sha ka shi bnai badkane ka jingkhein ka long tang na ka bynta ka ri Khasi bad Jaintialait noh sha Garo Hills.
U nongshalan jong u Colgate ba ioh ha kane ka jylla, u SS Paul haba iakren bad u Rupang mynta ka sngi Thohdieng, u la iathuh ka iew ne kajingiaid iew jong u Colgate ka kham thnem bha ha ki por long skul, namar ki khynnah skul na ki wan sha kane ka nongbah kiba na kiwei kijylla bad na jaka nongkyndong kum na Nagaland, Mizoram, ArunacalPradesh, Assam bad kiwei.
“Ha ka por ba ioh shuti ki iew ka hiar bha”, la ong u Paul uba la iohban long nongsam, ha kane ka jylla na ka kompeni kaba shna ia u Colgate.