Shillong, 13 Naitung: Ka Supreme Court ka India ka la pynjlan ia ka jingbishar ia ka kam Rangbah Shnong sa shi bnai tam kata sha ka 23 tarik Nailar ban wan.
Ha ka jingshisha ka Supreme Court ka la shim bishar hynne ka sngi ia kane ka Rangbah Shnong hynrei namar ba u nongiasaid ain ka sorkar jylla um shym la wan mih, ka la pynkynriah noh ia kane ka kam sha katei ka sngi.
Haba iathuh halor kane, u President ka Synjuk Ki Nongsynshar Shnong ka Bri u Hynniewtrep (SNSBH) u Dr Werlok Kharshiing u la iathuh ba ka kane ka iing bishar ba hakhlieh duh ka ri, ka la pynkynriah biang ia ka jingshim bishar bad ka daw ba kongsan namar ba u nongiasaid ka sorkar jylla, um shym la wan mih.
“Ka jingpynjlan biang ia ka jingpynmih rai, ka mut ba ki Rangbah Shnong mynta ki lah ban bteng ban treikam haduh katei ka sngi ba ka Kashari ka lah ban pynmih ia ka rai”, la ong u Dr Kharshiing.
Ha kajuh ka por, u Dr Kharshiing u la ong ba ka SNSBH kan sa shong jingialang noh shen ban iapyrkhat ia ki kam ka synjuk kiba la dep ban buh jingdawa na ka sorkar.
“Ngin sa shong jingialang noh shen ha kine ki sngi ban iapyrkhat ia ki kam ka seng bad kiwei ki jingdonkam”, la ong u Dr Kharshiing.
Phi don ban ong eiei?