Shen yn treikam noh ki jaka rung & mih: MR

Shillong,20 Naitung:
U myntri rangbah ka jylla u Dr.Mukul Sangma u la ong ba shen ka sorkar kan sa pyntreikam noh ia ka jaka rung jaka mih ki bar jylla kaba la tip kum ka Entry & Exit Point. Ia kane u Dr.Mukul u la ong ba ha ka jingialang kaba la long mynta ka sngi ban ia kren ia ki aiñ pyrkhing mynder.
U Dr.Mukul u la ong ba ka sorkar ka la hukum ia baroh ki tnad kiba ia snoh bad katei ka kam ba kin pynbit pyn biang noh ia ka jingdon kam jong ki kynthup ki nongtrei. Kumba ka long mynta u Dr.Mukul u la ong ba ka sorkar ka la ioh pdiang ia ka ripod jong ka Social Impact Assessment (SIA) ha kaba iadei bad ka jaka ha Malidor, East Jaintia Hills District katba ia kiwei pat ki jaka ka sorkar ka dang ia ki ripod ka SIA.