Shen yn plie ia ka Iing Meghalaya ha Kolkata

Shillong, 5 Rymphang:
Ka jingplie ia ka iing ka Meghalaya ha Kolkata kan sa long shen kaba don ha Russel Street.
U heh sorkar u la iathuh hynne ka sngi ba ka jingshna ia ki nala ba pyniasoh na katei ka iing sha nala bah, la dep artad.
“Kane ka jingtrei yn dep noh hapoh ar taiew”, la ong u heh sorkar.
Une u heh sorkar bym kwah ban pynpaw kyrteng, u la iathuh ba ka jingkhot tender na ka bynta pynbit pynbiang ia ki kamra, la khot.
Ki tiar ban pynbiang ia ki kamra, ki long ki miej ki shuki, ki tiar ki tar ba donkam ban buh.
“Ka jingplie ia kane ka iing kan long mynta u snem” u la ong.
Kane ka iing la shna ha ka jinglut kaba kot sha ka T. 49.2 klur.
Ha ka 5 tarik Nailar, mynshem snem, ka Public Works Department (PWD) ka jylla ka la shimti ban shna na ka M/s Asian Housing and Infrastructure Pvt. Limited (AHIPL).