Shen yn mih bun ki jaka ieng kali, yn pyrkhing ka ieng lymmuh, ong u ma Sniawbhalang

Shillong:U symbud myntri rangbah ka jylla ba peit ia ka tnad pynroi bah Sniawbhalang Dhar ula ong ba shen ki jaka ieng kali kin sa mih bun ha ki jaka ha sor Shillong, ban pynduna ia ka jingkhapngiah kali.

Haba kren mynta ka sngi, u bah Sniawbhalang u la ong ba ka tnad pynroi sor ka la dep shna ia ka parking Policyban iarap ban pyniaid kali ha ka nongbah, bad kan don ka jingpyrkhing ban ym shah ban ieng lymmuh ki kali, namar ba kan wanrah ka jingktah ia ka leit ka wan ki paidbah.

“Shen kin sa mih ki jaka ieng kali ha ka nongbah. Ngi la dep mynjur ia ka Urban Parking Policy bad kane kan pyrkhing ia ka rukom ieng kali pathar bad pynhiar briew kulmar”, la ong u bah Sniawbhalang. Ka jingrah ia ka Secretariat sha Shillong Thymmai kaban sa long ha kine ki snem ban wan, kan nang pynduna shuh ia ka jingsahkut kali ha ka nongbah.