Shillong: Ka UDP kan iashong jingialang shen na ka bynta ban wad ia ki daw ia ka jingshah rem jong u kyrtong monlang ha kane ka elekshon MP sha ka Lok Sabha ha u kyrtong ka Congress.
Katkum ka khubor ba la ioh, la sngewthuh ba kane ka jingialang ka long kaba donkam bha ha kaba ki nongialam ka UDP kila kyndit ia ka jingioh result ban shah tam kput ha u kyrtong ka Congress wat hapdeng ka jingiatreilang baroh ki party ba don ha ka sorkar.
Ha kawei ka liang, u dkhot ka UDP na thain 12shnong, u bah Riskhemlang Prang, u la ong ba ka jingshah rem jong u Dr. Jemino Mawthoh na Sohra constituency ka paw shai bad shynna ba ka party PDF kam shym la iatrei lang satia ban kyrshan ia u kyrtong MDA.
U la kynnoh ba kane ka pyni ba u MLA ka PDF na Sohra um burom bad khein snep iaka rai bad jingiakut jong ka sorkar synrop kaba ma u ruh u ioh bhah ioh bynta lang.
“Na kata ka daw kum uwei na ki nongkyrshan ba shitrhem jong ka UDP, nga kyntu iaki nongialam jong ka sorkar jylla ba ki dei ban pynduh noh iaka bhah jingmyntoi jong u MLA ka PDF na Sohra kum u dkhot jong ka sorkar synrop”, la ong u bah Riskhemlang.
La dei ban pynduh bhah lut ia baroh ki MLA jong ka sorkar MDA, namar baroh ki khlem kyrshan hynrei ki shet kylla lut wat ka UDP ruh ka shet kylla imat namar tang kawei ka constituency ka jop bat wat na Shella ruh rem te ka constituency i President ka UDP.