Namar ba ka jingpang coronavirus, ka la jubor eh ha Unites States of America bad kumta, U Donald Trump, President jong katei ka Ri, u ai jingmut, ba ka jingshat da ka jingshai jong ka sngi lane da kaba injek da ka kynja lyer kaba khuid shapoh jong ka met u briew, kan lah ban pynjem, na katei ka jingpang.
U Trump, u dei uba pule ia ka Finance bad ka real estate, ula kren ia katei ka sobjek jong ka saian, ha ka jingiakren bad ki kotkhubor hynnin ka sngi.
U William Bryan, u dei uba peit ia ka jingshong shngain jong katei ka ri, ula ai ia kitei ki jingai jingmut ha U President bad wat ha ki kotkhubor ruh, halor katei ka jinglap jongu, ha kaba u iathuh ba ka jingshat jong ka sngi ha ka met jong u briew bad wat ka jing pyn mih syep, ka lah ban pyniap ia katei ka jingpang coronavirus, khamtam nangne shakhmat, ba ka la jan ka aiom lyiur.
‘Lada ngi pyndei ia ka met, da ka jingshat kaba khlain jong ka sngi lada ka dei da ki kjat sngi lane da kano kano ka jingshai kaba khlain bor, nga tharai kan bha ba phin pyrshang” ong U Trump. ‘Nangta phi shat ia ka met da ka jingshai kaba khlain, lyngba ka sniehnoh, ne da kano kano ka lynti, tharai kan long kaba iarap shi katdei’ ong shuh U Trump.
Nangta u ai sa kawei pat ka phang bad kata ka long, da kaba pynkhuid ia ka met jong u briew, ban pynkhuid ia ki tor bad katei kan trei kam shi katdei ha ki tor bad kata ruh, kan long kaba iadei bha ban ia pyrshang.
Phi don ban ong eiei?