Shaphang ki Men ai ksuid, pynshai ki pulit

Shillong, 17 Jymmang:
Ha ka 16 tarik mynta u bnai ki pulit ka Wast Khasi Hills District ki la leit ban ialap ha Madan lyngdoh, Nongkynrih kaba hap hapoh Pynursla P.S ban ai jingshai sha ki nongshong shnong katei ka shnong ban kiar na ki jingsniew. Ha katei ka sngi u Superitendent ka EKH u bah M.Kharkrang u la long u nongkren kyrpang. Ha katei ka jingialang ki la don kumba 300 ngut ki nongshong shnong kiba la wan ban ia shim bynta kynthup ki khynnah skul.
Ha katei ka jing ialang u SP u la kren shaphang ka jingkynnoh Men Ai Ksuid kaba bun sien la mih ka jingiap briew tang namar katei ka jingkynnoh, u la kren ia ka jingdonkam ban thaw ia ka VDP, ka jingshim hi ki paidbah ia ka aiñ ha kti,ka jingdonkam ban pyntip pulit ia ki kamsniew hapoh shnong khamtam ki kam batbor bad u la kren ruh ba ki paidbah ki dei ban ai jingtip wut wut sha ki pulit shaphang katei ka jingjia namarba ka jingpynslem ka pynduh pyndam noh ia kiba bun ki sabut, u la kren shaphang ka jingthok ATM bad kiwei pat ki mat.