“Shano u jah rngai” yn iakren markhmat ka HSPDP ia u bah Blan

Shillong, 23 Jylliew:
Ka HSPDP kan leit ban ia kynduh markhmat ia u bah Blanding Warjri MDC ka Mawthadraishan ban tip shano u jah ha kine ki sngi naduh ba sdang ka dorbar bad ba u wan mih pyrthei pat hadien ba la wai ka dorbar mang tyngka. “Nga shu ia kynduh bad u mynne tangba dei ha ka jaka bun briew, ngam ioh ia kren bha ngin sa leit ia kynduh bad u” ong u General Secretary ka HSPDP u bah Witting Mawsor. U bah Witting u la ong ba ka jingiakren kaba tang tuk tak ha jaka bun briew kam pat shym la pynhun, wat la u ba Bland u la jubab malu mala hynrei dang hap pat ban ia kren markhmat bad u.
U bah K.P Pangniang President ka HSPDP West Khasi hills u la ong ba haduh mynta u dang shu ioh jingtip ba u bah Blanding u la wan mih pat hynrei haduh mynta um pat ioh ia kren bad u, “Ngi hap ban ia kren bad u ban tip ia ka daw, “Ngi hap ban tip shuwa ia ka daw balei” ong u bah Pangniang.
“Ngam sngew eiei, ka dei ka jingbakla”
“Nga shu ithuh khmat, uto na Kynshi, ngi na Nongstoin” ong U bah HR Thabah, haba kynthoh halor ka jingshah kynnoh jongu, ba u pynrieh ia U Bah Blanding Warjri, MDC jong ka Mawthadraishan. “Ngam sngew eiei, ka dei ka jingbakla” ong biang U bah Thabah bad ula ong shuh “Ngam dei u riew sain pyrthei, nga dei u nongtrei kam lajong”.
U Bah Thabah, ula ong shuh shuh, ba ha ka miet jong ka 20tarik mynta u bnai ruh, ki pulit kim shym la leit rung satia ha ka ophis jongu ha Mawlai Nongkwar, hynrei ki shu iaid ha surok bad ka jingrah ia arngut ki nongtrei jongu ruh, ka long ha ka por ba ki iaid ha surok bah bad kam dei satia na ka ophis jongu, ula pynshai shuh shuh.
“Ngam sngew ei ei, ka dei ka jing bakla, ngam dei te u politician, shu ia ithuh khmat, utyo na Kynshi ngi na Nongstoin” shu iohi kotkhubor. Ngam sngew ei ei ba dei ka jing bakla, ki pulit ki khlem rung sha ophis.