Na ka por sha ka por naduh ki Sengbhalang bad nongialam seng sain pyrthei bapher bapher kiba hapoh ka jylla. Ki ju ia khih pyrshah ia ka hok longtrai ka jaitbynriew ba ki khasi hi kim dei ban ioh tnga bar jylla namar da kane ka jingioh tnga pher jaitbynriew kan sa long kum ka jingpang bampong (Cancer) ia ka riti dustur jong ka jaitbynriew khasi. Bad ia kane ngi kynmaw ba i bah H.S. Shylla bad kiwei kiwei ki nongialam kynthup ki sengbhalang bapher bapher ki la pyrshah tyngeh bha halor kane ka kam iap kam im ka jaitbynriew.
Katba ngi dang ia khih ba ki bar jylla kim dei ban ioh kyrdan ne ioh longkpa ha ka iing ka sem ka jaitbynriew khasi, hynrei kyndit thred kumba ïuh tdong bsein mynta leilei la ioh i tyngkreiñ ba u bar jylla u la ioh syndon da ka kyrdan Kñi u ban lurding ia ki jingsneng jingkraw ha dpei ki khasi. Namar wat ia ka kHADC bad JHADC la long kñi syndon da u bar jylla u ban ai jingmut haba ia dei bad ka pla tyngka jong kitei ki Council baroh artylli. Ngim tip mano ba la pynkupbor ia u Toney Dey kum u kñi ha ka KHADC bad JHADC? Hato la thungkam ia u da ka Sorkar (DCA) ne la shu leh hi da kine ki artylli ki Council” SHANO KI RANGBAH KHASI? Da u bar jylla u long kñi ia ngi, hato kim lah mo ki khasi ban bat ia katei ka kam?.
Ka KHADC bad JHADC la ju tip ia ki kum ka kynroh bad ka stieh jong ka jaitbynriew, hynrei mynta pat iohi da ka long khongpong. Haba u bar jylla u la ioh longkñi ha kine ki artylli ki iing (Council) ba ki khun ki kti ka jylla ki ju shaniah ha ka ia ka shongsuk shongshngaiñ ka jaitbynriew, ka long thik kumba u la bat ha kti ia ka stieh iada jong ka jaitbynriew. Namar ka tynrai ban pyhiar dor ia ka jaitbynriew ka dei ka pisa, bad ka tynrai ban pynkiew ia ka jaitbynriew ka dei ka pisa. Kumta lada u dkhar u longkñi ha iing ki khasi kan sa poi ma ka por ba un sa weng ia ka stieh haba ki sum ki wan kumta SHANO KEIN KAN POI KA JAITBYNRIEW KHASI? Haba kumne.
Kumta ngi dawa pyrshah ia ki bor ba la pynkupbor ia u kñi dkhar ba ki dei ban weng mardor ia u ne u Long kñi ka pla tyngka (Finance Adviser) jong kine ki artylli ki iing jong ka jaitbynriew, lym kumta ka jaitbynriew ka la poi sha thliew. Dei ban ban thung beit da ki Khasi halor kane kiba dei hok ki trai ri trai muluk jong kane ka jylla hi baroh kawei kiba tip kiba sngewthuh bha ia ka riti dustur bad ki aiñ ki kyndon jong ka stieh ka jaitbynriew.
Scholar Lawriniang Nongthliew WKH
Mano ba ong ba ka district council ka ieng na ka bynta ka jait bynriew kat kum ka jing iohi jong nga ka dei tang ka business department jong ki m d c ban ia die ri die jaka sha ki bar jylla ; trading license Labour license shu used ia ki Syiem syiem raid rangbah shnong bym kohnguh ia ki weng syiem bad pynkhein rangbah shnong politics suda
Khasi jongngi ki shaniah tang iaki bar jylla namar ba Kim ju kwah ban pynkiew para khasi, ka long ka jingma kaba khraw nabynta ka jylla baroh kawei lada ki rangbah khasi jongngi ki lah duh iaka bor ban pyniaid iaka bhah bad jngdonkam jngka jylla…