Shakri hok ia ki paidbah, ong U bah Ardent ia ki kali kamai

Shillong:U Bah Ardent Miller Basaiawmoit, u ba long u nongialam jong ka Revolution Iada La Ka Ri u la kyntu ia ki nongniah kali kamai ba kin burom lem mar kylliang ia ki paidbah, namar ki dei ki paid bah kiba la kyrshan lem ia kine ki nongniah kali kamai ha ka jingiakhih jong ki kaba la sdang naduh ka 3 tarik u Rymphang 2021 tad haduh ba ka jingdawa jong ki ka la urlong mynta ka sngi.

U Bah Ardent, u la kyntu ruh ba lyngba ka Association jong ki, ba ki dei ban pynsngewthuh ia ki draibar bad ki nongniah kali kamai ba kim dei pat ban kren khlemakor ne ban leh kumno kumno ia ki paidbah nongshong kali namar bun ki paidbah ki la ud ba ki nongniah kali kamai ki leh khlemakor, ki leh mon, ka jingbymtreh ka jong ki ban leit sha ki jaka ba ki nongshong kali ki kwah, te u la ong ruh, ba kam dei shuh ban long kumta nangne shakhmat; hynrei ki dei ban ai ka jingshakri ka ban pynhun ia u paidbah naduh ka ktien ka thylliej ba ki kren naduh ka jingleit ka jingwan ba kim dei ban jied tang sha kaba ki mon ban leit, namar kata ruh ka dei kawei kaba pynlong ia ki paidbah ba kim sngewtynnad ia ki kali kamai.

Kumta, ha kaba khadduh u la ong, ba kumba ngi ki paidbah ngi la ai ka jingkyrshan kaba paka kumta na ka liang jong ki ruh nangne shakhmat kin ai lang ia ka jingshakri kaba janai bad ka jingshakri kaba paka ia ngi ki paidbah.