Shain kuna ki sumo ba kit briew ha tnum

Shillong, 19 ’lyngkot:
Ki pulit ki la ioh ban shain kuna haduh T. 6900 na ki 19 tylli ki sumo kiba mlien ban kit briew halor tnum kali. Ia kine ki sumo la shain kuna da ki pulit na thain Nongmensong kiba wan na thain Nongkyndong bad ka kit briew halor tnum kali.
U SP ka East Khasi Hills u Bah Mariahom Kharkhrang u la ong ba ia kine ki sumo la bat ha kane ka taiew hadien ba ki la pynkhein ia ka ain da kaba kit briew halor tnum kali.
Ha kawei pat ka jingjia, ki pulit ki la shain kuna ruh na ki kali kit turis kiba ju mlien ban pyrta briew bad ieng ha ki jaka bym shah ban ieng bad na kine, la ioh ban shain kuna haduh T. 6200 na ki 22 tylli ki kali.
U SP u la ong ba kine ki kali turis ki mlien ban pyrta briew da kaba leit ieng ha ki jaka bym shah bad kane ka la wanrah ia ka jingsahkut kali ha ka nongbah.