Shillong: Ka kynhun ki runar, ba la tap dur khmat, ha ka step phyrngap jong ka sngi Nyngkong, ki la leit ban wiangding ki artylli ki trok Dumper jong ka kompani ba shna ia ka surok Nongstoin-Wahkaji ha West Khasi Hills District.
Kane ka jingjia kala jia ha ka step phyrngap ha ka por 1:30 baje eiei, ha ka jaka sah jong kane ka kompani kaba don ha ka shnong Mawthungkper, la ïathuh u projek manager.
Ha ka por kumba 1.30 baje, ki briew bymlah satia ban ithuh ki la rung sha katei ka jaka ba sah ki nongtrei ka kompeni, ha kaba ki la wiang ding ia kawei ka Trok Dumper bad ka Transit mixer, u nongniah jong kane ka trok uba thiah hapoh, u la kyndit na ka jingwan par ka jingkhluit na ki bynta ba shapoh jong ka trok bad haba ula khie, u la khynniat da ka bor ia ka jingkhang jong ka kali ban pyllait im ialade bad kane ka jingkhang ka la dei ia uwei na kine ki runar uba ieng shabar ka trok.
Wat la ka jing khang ka la dei ia u wei na kitei ki runar, hynrei u khlem lah satia ban ithuh, namar ba ka jaiñ ba ki tap ia ka durkhmat ka dang neh.
Ki pulit ki la pynlong ia ka jing tohkit ban ioh kem ia kiba donkti.
Sngew lehrain bad sngew bynniaw ia ka jingkwah sah dien jong Kum kine ki runar. Ka West Khasi Hills jong ngi ka jot bad kynran shadien kat nang iaid ki sngi namar kiba kwah ia ka roi ka par, ka stad ka nang, ka suk ka sain ki ia sngap jar ia kyllain kti. Ki nongpynjot pat ki trei shitom khlem thiah khlem dem. Ko khun ka West Khasi Hills lano ngin peiphang? Ngi la dier palat ia seh ngin iatreilang ha baroh ki phang bad ki Liang.