Shillong: Ka Khasi Students Union (KSU) myn hynnin ka sngi, lyngba U bah Ready Stone Nongrum, Education Secretary, ki la leit ia kynduh ia U Ma Henry Lamin, Pro Vice Chancellor jong ka North Eastern Hills University (NEHU), halor ka jingshah beh kam jong ki 5ngut ki nonghikai, ha ka tnat Law Department.
Na ka jing iathuh jong utei u nongialam KSU, la iathuh ba ka jingweng ia kitei ki 5ngut, ka long namar ba ki hap ban leit ia khun ia ka interview, na bynta kitei ki kam bapher, ha shwa ba kin shah jied kum ki nonghikai ba pura.
Kitei ki nonghikai kiba shah weng kam, ki long kiba hikai ha ka Economics, Political science, English, Sociology.
Na ka liang jong ka KSU, ka iathuh ba ka hap ban tuklar ia katei ka kam, hadien ba ki samla pule, ki la leit ban iakynduh ia katei ka seng ban ujor halor ka jingduh klas jongki, namar ka jingshah weng jong kitei ki nonghikai.
Phi don ban ong eiei?