Shah weng EM u Bah Micheal ba ujor PIL ia ki ADC

Shillong 23 Risaw:
Ha ka jingrai kaba kham pher bha, ka dorbar jong ka Jaiaw Laitdom ka la shim da kaba tyngeh ban weng noh ia u Bah Micheal N Syiem kum u dkhot ka Executive Member (EM) namar ba u la ujor Public Litigation Interest (PIL) pyrshah ia ki district council.
Ia kane ka rai la shim ha ka jingialang jong ka dorbar shnong kaba la long ha ka 23 tarik Risaw hadien ba la iakren sani bha ia kane ka kam.
Haba pynlait khu bor halor kane, u Bah HS Suting uba long u general secretary ka Jaiaw Lait dom Dorbar u la ong ba ka dorbar ka la rai da kawei ka sur ban weng noh ia u Bah Syiem namar ba u la ialeh pyrshah ban pynduh noh ia ki district council ha kane ka jylla.“Ka Executive Committee ka dorbar shnong Jaiaw Laitdom ka la weng noh ia u Bah Micheal N Syiem kum u executive member jong ka Jaiaw Laitdom naduh mynta ka sngi namar ka jingialeh pyrshah dorbar bad ka jingai PIL ia ka district council”, la ong u Bah Suting ha ka kyrwoh ba la pynlait mynta ka sngi.Lah ban kdew ba u Bah Syiem u la ujor PIL pyrshah ha ka Meghalaya High Court la ki district council ha kane ka jylla ki dang iahap ne em ban don hadien ba la ioh ia ka jylla Meghalaya.
Ia kane ka PIL jong u Bah Syiem ka kashari ka dang phah bishar bad pule bniah ha u Attorney General ka India bad ka la pan jingshai ruh na ka sorkar jylla bad na ki district council.