Shah ujor 6 ngut ki MP RS

NewDelhi,13 Jylliew:
Ka Central Bureau of Investigation (CBI) mynta ka sngi ka la ujor da ka mukotduma pyr shah ia 6 ngut ki MP ka Rajya Sabha halor ka jingkynnoh ba u la leh thok bad soi thok ha ka kam bamsap jong ka Leave and Travel Concession (LTC). Kane ka dei ka sien ba nyngkong ba la ujor mukotduma halor ka kynnoh bamsap halor ka LTC. 3 ngut ki MP ba mynta ka Rajya Sabha bad 3 ngut ki MP barim ka katei ka Ing dorbar la pynngat hapoh ka kyndon ain under sections 420 bad 13 (1)D. Ka jingtohkit bad ka jingkhynra ha ing sah jong kitei ki MP ka dang iaid shakhmat.
Ki MP ba mynta kiba la shah pynngat ha katei ka jingbamsap ki long u D Bandopadhyay (TMC), Brijesh Pathak (BSP), Lal Ming Liana (MPF) katba ki MP barim pat ki long u JPN Singh (BJP), Renu Bala (BJD), bad Mehmood A Madni (RLD).
Ka CBI ka la lap ba baroh kitei ki MP ki la pynbiang da ka Tiket thok bad ki pass ha ki jaka sah bad ki la ioh jingisew baroh ha katei ka jingpyni jong ki ba ki la leit jingleit. Ka CBI ka la lap ruh ba jan baroh na kitei ki MP ki la leh ia katei ka kam 3 hadudh 4 sien.Ha u naiwieng 2013,. U MP ka JDU u Anil Sahni , la lap da ka CBI ba u la pynheh ia ka bill bai leit jing leit jong u, bad ka CBI ka la pynlong ruh ka jingkhynra ia ki jingdon jingem utei u MP.