Shah u DC ban shong kyrain ki sengbhalang

Shillong, 12 Jymmang:
U Deputy Commissioner ka East Khasi Hills u la shah ia ki sengbha lang ba kin iashong thyl liat ne shong kyrain hakhmat ka Additional Secretariat lashai ka sngi Balang ban pynpaw ia ka jingpyrshah ia ka jingkem ia u President ka KSU u Bah Daniel Khyriem bad ban pynlait noh ia u shi syndon.
Haba pynthikna ia kane u general secretary ka KSU u Bah Auguster Jyrwa u la ong ba u DC u la shah ban pynlong ia ka jingshong ha katei ka jaka bad ki sengbhalang kin iaid beit shakhmat ban leit kumba la buh. “U DC u shah ba ngin pynlong ia ka jingshong kyllain myngor ha katei ka jaka”,la ong u Bah Jyrwa.
U la ong ba baroh ki nongialam sengbhalang, ki dkhot kin iawan lang khrui lashai ka sngi ban iashong ha katei ka jaka naduh ka por 10 baje mynstep haduh ka por 4 baje janmiet.
La sngewthuh ba lada ka sorkar kam pynlait noh ia u president ka KSU bad ban weng ia ki jingpynngat mukotduma, ki sengbhalang kin sa khot biang ia kiwei ki jingiakhih ha ki sngi ban wan.