Shah u DC ban iaid kyrsiew thiah ka KSU na Mawlai sha Jaiaw

Shillong, 2 Iaiong:
U Deputy Commissioner ka East Khasi Hills u la shah ia ka KSU ba kan iaid kyrsiew thiah ia ka jaitbynriew na Polytechnic, Mawlai sha Jaiaw Shyiap-Lumpyllon Community Hall ban long ha ka 4 tarik Iaiong.
Kane ka jingrakhe kyrsiew thiah ka KSU la pynbeit ba kan long ha kyllen ka ri Khasi bad Jaintia .
“Ngi la shah ia ki (KSU) ban iaid paidbah ha kitei ki jaka”, la ong u Deputy Commissioner u Sanjay Goyal hynne ka sngi.
U Goyal u la ong ba ki la shah ban iaid shiteng kynta ban iaid paidbah bad ki hap ban soi ba ki dei ban pynthikna ba kan nym jia kano kano ka jingeh ia ka ain ka kanun.
Ha kajuh ka por, u general secretary ka KSU u samla Auguster Jyrwa u la iathuh ba ki la buh ban pynlong ia ka jingiaid paidbah na ka por 1 baje nohphai sngi, ym shuh 3 baje janmiet kumba la ong mynshwa.
Ia kane ka sngi, ka KSU ka la rai ban pynlong kaba dei ka sngi ba u Syiem Tirot Sing u la ialeh pyrshah ia ka sorkar phareng ha ka 4 tarik Iaiong, 1829.