Shah tuh T. 14 lak, na ka ATM ka SBI na Madanrting

Shillong,
11 Rymphang:
Ha kane ka step sngi Balang, ka mashin ATM ha Madanrting, ki runar bym lah ban tip ki la pynpait bad pynpra ia ka mashin bad rong ei haduh T.14 lak. Kane ka ATM ka don ha iew Madanrting.
U SP ka East Khasi Hills u Bah Mariahom Kharkrang, u la iathuh ba ia katei ka pisa na ATM la tuh ha ka miet sngi Hatmajai bad ia kane ka jingjia, la ioh jingtip da ki pulit ha ka step sngi Balang.
U la ong ba ki pulit ki la suba jur ba kiba leh ia kane, dei ka kynhun nongtuh jong ki Gang kiba nabar ka jylla kiba leh ia ki kam runar da ka jingsylla bad ki runar na kane ka Shillong.
Kane kam dei ka sien ba nyngkong haba ki runar ki la tuh ia ka pisa na ATM bad ka la jia teng ruh ha u Nailur mynshem snem ha kaba ki runar ki la tuh ia ka pisa na ATM ka SBI haduh T.26 lak kaba don ha Nongpoh.
Shiphew snem mynshwa, ki runar ki la rong ruh T. 5 lak na ka SBI ATM ha Umroi ha Ri Bhoi district nalor kawei pat ka jingjia ha Lad Rymbai kaba la shah tuh ha kane ka miet sngi u Blei. Ha katei ka ATM ka SBI ha Lad Rymbai ka don ka pisa haduh T.9.11 lak bad u Branch Manager ka SBI Lad Rymbai u la ujor sha ki pulit halor kane ka jingjia.
Ha ka 6 tarik mynta u bnai ruh, ki runar ki la pynpra ia ka ATM ka SBI ha Pohkseh, Shillong.