Shah tuh ka kali Alto-800 na iingsah ha ka shnong Pongtung

Shillong 17 Jylliew:Ka kali  Alto 800 ka ba dei jong u bah  Ebin Mawiong ka ba don ia u registration number ML 05 W 2166,ka la jah na iingsah ha kapor shiteng miet, ha ka shnong Pongtung, Pynursla, East Khasi Hills District.

Ha ka jingiakren  lyngba ka fone call u bah Ebin U la iathuh, ba ka kali jong u ka ba la set ha syndah ka iingsah, ka la jah ha kapor kumba shiteng miet eiei bad ha kapor ba dang thiah, bad hadien ba la shai ka bneng ka kali ba set ha syndah ka iing kam don shuh.

U la ong ruh, ba la suba ba kadei ba la shah tuh ha ki briew ki bym lah ban ithuh kyrteng namar kadei ha kapor shiteng miet eiei.

“Halor katei ka jingjia nakaliang u bah Ebin u ba dei trai ia katwi ka kali, u la leit ban ujor da ka ejahar sha Pynursla Police Station mynta ka sngi.

” Nakaliang u bah Ebin u la pyntip sha ki paidnah ba lada don ki briew ki na lap  bad iohi ia kane ka kali kin sngewbha ban pyntip sha ki ne ki number, 9362305586