Lucknow, 31 Nailar:
Shiphew ngut ki Pastor, ki la shah tohkit ha ki pulit jong ka Surajpur Police station, ha Greater Noida hynnin ka sngi, halor ka jingkyn noh, ba ki la pynkylla niam kristan jubor ia ki Hindu bad mar ia shah kem kitei ki Pastor, ki la don bun bah ki shit niam Hindu, kiba leit ker kut ia katei ka thanat jong ki pulit.
Kitei ki Pastor, ki iathuh ba katei ka jingkyn noh, ba la pynkylla niam jubor, ka dei kaba thmu ban pynduh jingshaniah ia ki, ha khmat jong uba bun balang ha katei ka District.
Ki pulit jong ka Gautam Buddh Nagar, ki kynnoh ba kitei ki 10ngut ki Pastor, ki shim bynta ha ka jingshah thngan, ha kaba kam don bynta eiei ruh em, ha kaba pynkylla niam ia ki briew ha ka shnong Kulesra. Katba U SP (Rural), U Brijesh Kumar Singh, u ong, ba namar ba ki la ioh ia ka jing ujor na ki nongshong shnong, kin hap ban tohkit halor katei ka jingjia.
U Reverend Wilson Joseph, U President jong ka Calvary Ashram Seva Sangh, ula trei ha Uttar Pradesh, naduh us nem 1992 bad ula don ha Greater Noida, mynta la 12snem kynthih, ula ong “Ngam pat ju iohi, ia kaba kum kane ka jing ia kynad jaitbynriew. Ngim nud wat tang ban leit tur sha jan ka thnat ha Surajpur. Ki katto katne ki dkhot jong ka Balang jongngi, kiba leit sha katei ka jaka, ki shah shoh”.
U Joseph, u iathuh ba ki dkhot jong ka RSS, ki dei ki nongpynshit ia ki paidbah ha ka shnong Kulesra, da kaba ki kynnoh, ba ka don ka jingpynkylla niam jubor.
Phi don ban ong eiei?