Shah tied shnong uba ak nongtrei MeECL

Shillong,
19 Rymphang:
Mynta ka sngi, uwei u briew uba la kam kum u nongtrei ka MeECL u la shah tied jem ha ki paid bah ka shnong Tynring kaba don ha East Khasi Hills. katkum ka khubor na ki pulit une u briew uba la kam ialade kum u nongtrei ka MeECL la tip kyrteng kum u John Jyrwa (32 snem), bad la kynnoh ba ka jingshah shoh jongu ka dei halor ka jingkam kum u nongtrei ka MeECL da kaba leit bad hadien ba ki paidbah ki tip ba um tip satia hynrei uba shu kam, ki la iatied iashoh haduh ba un mynsaw jur.
Ia une u briew la pynkit noh sha jaka sumar ha Shillong Civil hospital ban sumar, la ong ki pulit.
Ha kawei ka jingjia mynshi sngi, saw ngut ki briew ki la shah kem kynthup u  Md. Chacha Pal Ali, u Md. Juchas Ali, u Md. Samal Ali bad u Md. Abdul Karim katba ki dang thep dewiong beain ha kawei ka trok (ML-05H-6915) da kaba pynkhein ia ka hukum ka NGT ha shnong Shi Kilo ka East Jaintia Hills bad saw ngut kiwei pat la kem halor ka jingpynhiar ia ka dewiong na kawei ka trok (AS-25C-3154) ha shnong Shi Kilo ka East Jaintia Hills. kine kiba shah kem ki long u Jame Nuzury, u Saral Basumatary, u Karbar Sungi bad u Sarpan Basumatary.
Kawei pat ka jingjia, kawei ka trok (AS-01FC-9951) ba niah da u Raju Rajbongshi (20 snem) ka la noh shariat ha Ratacherra ka East Jaintia Hills bad ha kane ka jingjia, u nongniah u khlad hashen bad uwei uba shong ha kane kali u la mynsaw jur, la ong ki pulit.