Shah tied jem u nongdawa pisa ka GNLA

Nongstoin, 6 Naitung:
Uwei u snar nongdawa pisa u ba la tip kyrteng kum u Lipson G Momin u ba dei u khun jong u Dabot G Sangma na ka Shnong Nong chram, kaba don ha ki thain Shallang, u la shah tied jem ha ki paidbah katba u dang leit ban sam ia ki shithi dawa pisa ha ka kyrteng jong ka GNLA.
Katkum ka khubor na ki pulit ka Nongstoin PS la iathuh ba katei ka jingjia kala jia mynha ka sngi u Blei jong ka taiew ba la lah katba u tei u runar u dang leit ban sam ia kitei ki shithi dawa, la don ki katto katne ngut ki briew kiba la ioh jingtip bad ha shwa ba ki pulit kin poi sha katei ka jaka ki paibah ka thain Shallang ki la bom bad tied ia u tei u runar haduh ba un da jem hi jai bad hadien ki la aiti noh sha ki bor pulit.
 Na ka liang jong ki bor pulit kila kem noh ia utei u runar bad la ioh kurup ruh na u ia kawei ka shithi dawa pisa kaba don ha ka kyrteng ka GNLA bad kawei ka shiti byrngem kaba la thoh da ka ktien Garo, Ki pulit ki la dep ban register case pyrshah ia u tei u runar, C/No 25(7) 15 U/S 120 B/ 384/ 506, 34 IPC bad ka jingtohkit kan dang iaid shakhmat.