Shah thung u Sadhu, kum u DC ba thymmai jong ka EKH District

Shillong: Ha shwa jong ka elekshon sha ka ïingdorbar thawaiñ jong ka jylla, ka sorkar jylla ha ka sngi nyngkong ka la thung ia u ophisar IAS, u SC Sadhu kum u Deputy Commissioner ba thymmai jong ka East khasi hill District.

U Sadhu, uba la bat baroh shi katta kum u Director jong ka tnat Community &Rural Development jong ka sorkar jylla bad kumjuh ruh kum u nongpeit ia ka tnat Fisheries, u la shah jied ban mihpli noh ha ka jaka jong ka kong Isawanda Laloo, katkum ka notis ba la pyllait da ka Commissioner &Secretary ba dei peit ia ka tnat Personnel &AR(A) R Lyngdoh.

Katba ka kong Laloo kan sa shimti noh kum ka Director jong ka tnat Community &Rural Development, kumjuh ruh kum ka Secretary to the Government of Meghalaya Community & Rural Development bad ka Agriculture & Farmer welfare Department.