Shah thung u heh pulit Khasi, kum u CP ka Belagavi ha Karnataka

Belagavi:Uwei u Heh Pulit IPS, na ka Jaitbynriew Khasi, ula shah thung kum u Commissioner of Police ka Belagavi.Une u Heh Pulit IPS u dei u Bah Ïada Martin Marbaniang uba dei jong ka batch 2009.

Shuwa kane, u Bah Ïada ula trei kum u DIG Recruitment ha Bengaluru. Ula shakri kum u SP ha Kalaburagi, Head of Police Training College, Yadgir bad SPP CID.

U Bah Ïada uba dei na Meghalaya, ula pyndep ïa ka eksam MA ha shuwa ban ïakhun ïa ka eksam UPSC.
Un shimti ïa ka kam Police Commissioner na u Vikas Kumar Vikash, IGP, Northern Range uba khmih mynta ïa ka Sor. Kane ka kam ka la lait thylli da ka jingshongthait u SN Sidramappa myn ha ka 29 tarik Rymphang.