Shah thung u ADGP barim, u Heimonlang Nongpluh kum u CIC jong ka jylla

Shillong: U Additional Director General of Police(ADGP) barim jong ka jylla Meghalaya u Bah Heimonlang Nongpluh u la shah thung kum u Chief Information Commissioner(CIC).

U Heimonlang Nongpluh u dei u Indian Police Service(IPS) officer barim bad u la shongthait na ka kam jong u ha ka sngi balang kata ka 1 tarik u bnai Nohprah 2021.

U Heimonlang Nongpluh u long u officer IPS u ba nyngkong ba la shongthait u ba lah shah thung kum u Chief Information Commissioner (CIC) jong ka jylla Meghalaya.

Ha ka hukum ba la pyllait da katei ka tnad jong ka jylla Meghalaya la ong,”Ha ka jingpyntreikam ia ka Section 15(3) of the Right to Information Act 2005, u Lat jong ka jylla Meghalaya u la thung ia u Heimonlang Nongpluh u ba dei u IPS kum u state Chief Information Commissioner ka Meghalaya. U Nongpluh un pyntreikam ia ka bor ba la pynkup ha u bad un pyntreikam ia ki kam ba la bynshet kiba hap hapoh katei ka Act bad un treikam naduh ka tarik ba u la sdang tad haduh ba la kdew ha ka Right To Information(RTI)Act,2005″.

Shuh shuh katei ka hukum ka ong, “Katkum ka Rule 13 jong ka Right to Information (Term of Office, Salaries, Allowances and Other Terms and Conditions of Service of Chief Information Commissioner, Information Commissioners in the central Information Commission, State Chief Information Commissioner and State Information Commissioners in the State Information Commission) Rules, 2019”.