Shah thombor u Rangbah Shnong, ha u suba nongpyniap briew

Jowai, 4 Nailar:
U Rangbah shnong ka shnong Madur ha West JaintiaHills u la mynsaw jur hadien ba u wei u briew uba shah suba nong pyniapbriew u la thombor kyndit ia u ha ka por ba ki paidbah nongshong shnong, hapoh ka jingia lam u Rangbah shnong ha ryngkat ki pulit kidang thwet ia utei u briew hapoh kawei ka khlaw ba u shong rieh tngenha jan ka shnong Niriang.
Utei u Rangbah Shnong uba la tip kyrteng kum u ma Easterwis Ryng khlemu la shah pom ha utei u briew da ka juh ka wait kaba la pom iap ia uwei u briew ha kawei ka khlaw kaba hap hapoh ka Elaka Nongjngi.
Hadien ba utei u Rangbah shnong u la shah pom, ki paidbah na ka shnongMadur ki la bom la tied ia utei u runar bad baroh ar la hap ban pynkitsha jaka ai jingsumar da ka jingiarap ki pulit bad ki paidbah nongshong shnong. Utei u suba nongpyniap briew uba la tip kyrteng kum u Kwal Laloo u lapyniap dusmon ia u Rinus Syiemlieh uba dei u paralok lajong ba iatreilang ha katei ka thain Nongjngi kum ki nong-ot dieng sawdong. Hynrei dei ha ka sngi ba u malik u siew bai nong ia ki, ba utei u KwalLaloo u la thmu ban klun ei ia ka bai nong jong ki bad u la rai banpyniap ia ki lai ngut ki paralok jong u, hynrei u la ioh ban pom iap ia u bah Syiemlieh na Ryndang, katba uwei u Soo Lamare u la lah baniada da ka kti bad ka kti ka la dkut, uwei pat u la lait phet khlemmynsaw. Mynta ka sngi, ki pulit ki la kem ruh ia 5 ngut kiwei pat kiba donktiban iarap ban leit ai ja, ia bam ia utei u suba nongpyniap briew.Kitei kiba shah kem ki dei kiba la tip kyrteng kum u Don Saphoh, Rishi Gatphoh, Iaineh Muruh bad u Riki Suting.