Shah thok ka KHADC ha ka kompeni tih Uranium

Shillong, 5 Jymmang:
Ka dei ka jingjia kaba kham khyllah ba ka Khasi Hills Autonomous District Council ka la shah thok ha kawei ka kompeni kaba la tip kum ka Maheswari Company Private Limited (MCPL). Katkum ka jingiathuh u EM ba peit ia ka khaii pateng u bah Latiplang Kharkongor ha ka jing iakynduh bad ki nongthoh khubor mynta ka sngi, u la ong ba katei ka kom peni ka la ialam bakla ia ka KHADC ha ka por ba ka la pan pynthymmai ia ka laisen khaii pateng kaba naduh u snem 2013-2014.
U bah Latiplang u la ong ba katei ka kompeni ka la pan jingbit ban pynthymmai laisen da kaba kdew ba kan pyntrei kam ia ka kam khlong khyndew ha Wahkut bad ha Porkut kaba hap hapoh ki thain ka Nongjri bad ha katei ka jingpan jingbit la ai bor da ka kur Nong tynger ryngkat ka NOC na u Syiem ka hima Nong stoin, katba mynta pat la ioh jingujor ba katei ka kompeni ka treikam ksam