Shah thngan ki nongtrei ka BSNL

Shillong, 26 Iaiong:
Ki nongtrei ka Bharat Sanchal Nigam Limited (BSNL) mynta ka sngi hapoh ka lama ka ka BSNL Employee Officers Shillong, ki la pynlong ia ka jingiakhih da kaba shah thngan kaba lai sngi kynthih ban dawa na ka sorkar ia kiba bun ki mat kiba kynthup halor ka jingsiew kaba iadei bad ka E1A bad E2A katkum ka E2 bad E3 bad kiwei.
U Rajesh Sharma u General Secretary BSNL Employee Officers Shillong, u la ong, ba ki mat jingdawa ki nongtrei ka BSNL ki la long ban pyntreikam noh ia ka jingpynkiew kyrdan ia ki ophisar, ban siew 30 percent hadien ba la shongthait, ban pynmih hukum ia ka jingpynkiew kyrdan kaba ryntih ia baroh ki kyrdan ophisar kiba bat kum ki executive, bad kiwei.
U Sharma u la ong ba ka jingiakhih shah thngan kan iai kin bteng haduh lai sngi bad ha ka 28 tarik Iaiong pat, kin pynlong ia ka jingshim shuti paidbah. U la ong ba lada ka sorkar kam sngap ia ki jingdawa jongki, naduh u 10 tarik u Jymmang kin sa pynlong ia ka jingiakhih kaba kham jur shuh shuh.