Shah thep ka Hynniewtrep ha ka Promising, ban rah ia ka nam lahuh ha Malki

Shillong, 7 Jylliew:
Ka Hynniewtrep Combine Sports Club ka la shah rem noh toin hakhmat ka Promising Sports Club hadien ba la shah thep ar kol ha ka jingiakhun hynne ka sngi ban iaknieh ia ka nam lahduh ha ka 1st Open To All Football Tournament 2013 kaba la pynlong da ka Kyntiew Youth and Cultural Club ha madan ialehkai Malki hynne ka sngi Thohdieng.
U Kordor Marwein jong ka Promising u la pynjem ia ka Hynniewtrep hadien ba u la ioh ban thep haduh ar kol ha kane ka jingialehkai. U la shah jied ruh kum u Top Scorer ha kane ka lympung ialehkai.
U Kordor u la thep ia ka kol ba nyngkong ha ka 18 da ka khlieh ia ka bol bad sa kawei pat ha ka 21. Ki ar kol u Kordor ki la pynliem syndon ia ka Hynniewtrep.
U Rangbah shnong ka Malki u Bah Oflyn Dohling u la sam ia ki khusnam sha ka kynhun lahduh ba la don lang u President ka Kick Boxing & Washu u bah Danny Rani ki riew rangbah bad ki nongkitkam ka clob.
Kumba 20 snem mynhswa ka long tang ka jingialehkai sngewbha ban pynbang ja bad pynkhlain ia ka met hynrei ka phutbol ka la kiew stet ha ka jylla bad ha ka Ri Khasi Jaintia, la ong u Bah Oflyn.
Ka Promising kaba long ka kynhun lahduh ka la ioh ia song pisa kaba T.20 hajar lem bad ka trophy bad ka Hynniewtrep Combine kaba wan baar ka la ioh rah ia ka song pisa kaba T.10 hajat lem bad ka trophy.
Ka nam u Top scorer la rah da u Kordor Marwein na ka Promising uba la thep 6 kol, ka Best Player ka leit sha u Victor Bey (Promising), ia ka nam Best Goal keeper la rah da u Galandy Kharbuli (Kynton-u-mon) bad decipline team la rah da ka Kynton-U-Mon na Nongkrem.