Shah theh acid ka longkmie

Jowai, 19 Iaiong:
Ka khubor ba la iohlum dier por ka la iathuh ba kawei ka long-kmie kaba dang 21 snem kaba la don ruh iwei I khun ka la shah theh da ka acid ha kawei pat ka longkmie bad kane ka la jia ha ka shnong Pamra-kmai.
Ka khubor ka la iathuh ba kane ka jingjia ka la jia naduh ka 12 tarik une u bnai bad hadien kane la leit phah sumar ia katei ka longkmie sha Dr. Norman Tunnel Hospital, Jowai bad ka la ioh mih na katei ka Hospital ha ka 15 tarik une u bnai.
Ki pulit ki la iathuh ba katei ka longkmie ka dang wan ujor dang mynhynnin ka sngi bad mar synioh ia ka jingujor, ki pulit ki la kem noh ia katei ka longkmie.
Ka tyllong ka la iathuh ruh ba kane ka jingshah theh acid ka lah ban long na ka daw ka jingiaknieh lok.