Shah thang ka ophis Youth Congress ha Nongpoh, kem ding ka kali ha Umiam

Nongpoh, 01 Jylliew:
Ki riew runar ki bym shem la lah ban ithuh, mynta ka sngi, ha ka por 2 baje ei ei dangstep phyrngab, ki la leit ban thang dusmon ia ka ophis jong ka Youth Congress kaba don ha shnong Pahamsohthri, Ri Bhoi District.
Katkum ka jingtip ka tyllong khubor, la ong ba donbok ha katei ka jingshah thang katei ka ophis jong ka Youth Congress kam shem la julor bun, hynrei ka la shu julor malu mala, namar ha katei ka por ba katei ka ophis ka la shah thang ka la don ka jinghap slap.
Kumta haba iadei kane ka jingjia, na ka liang ki bor pulit ka Ri Bhoi, ki dang pynlong ia ka jingtohkit kaba jur ban lapdien ia ki briew kiba donkti ha ka ban thang dusmon ia katei ka ophis jong ka Youth Congress Nongpoh.
Ha ka 31 tarik mynta u bnai ha ka por 9 baje mynmiet ki runar ki la kawang petrol bomb hakhmat kawei ka dukan kaba don ha Lower Jail Road, Shillong.Ha kawei pat ka jingjia ha katei ka 31 tarik hi ki runar ki la kawang petrol bomb ia ka jing jong ka Smt.Minoli Borman kaba don ha Lumshyiap, Nongmynsong, ym shym la don jingjulor eiei ha katei ka jingjia. Ha ka por 11:30 pat mynmiet kawei ka Fortuner kaba don ia u nombar MH-14Y-9717 kaba dei jong u Ashish Gundal ka la kem ding hajan ka jaka ieng kali ha jong ka Orchird Resort, Umiam , katei ka kali ka la julor malu mala.