SHAH THANG KA OPHIS U MLA KA HSPDP, HA LAITUMKHRAH

Shillong: Ka ophis kaba pyniaid da u MLA ka HSPDP na Mawshynrut konstitwensi u bah Methodius Dkhar ka la shah thang ha ka miet jong ka 3 tarik u Lber 2023 ha ka por 9 duna eiei.

Kane ka ophis ka dei kaba la tip kum ka Meda Infrastructure kaba dei jong ka Telecom Service Provider kaba don ha Laitumkhrah Nongrimbah. Kane ka jingjia ka la jia ha ka por ba ka dang jur bha ka jingpyrshah halor ka jingleit kyrshan ki 2 ngut ki MLA ka HSPDP kata u bah Shakliar Warjri bad u bah Methodius Dkhar ia ka NPP ba kan ialam ia ka sorkar.