Shah thang ka iing U Micheal Dkhar

Jowai, 5 Rymphang:
Ka iing ka sem jong u bah Micheal Dkhar kaba don ha Lad Sutnga ka la shah thang mynta ka miet ha ka por 10:30 baje ha ki runar ki bym shym la lah ban tip kyrteng. Katei ka iing jong u bah Micheal Dkhar ka dei kaba don ha Lad Sutnga, U Rupang u la ioh jingtip na ki pulit tang mar ia jia katei ka jingjia.
Lah ban kdew ba dang mynhynnin ka sngi hadien ba la shah kem ha ki pulit namar ka jingleh be-i-jot jong u ia ka khynnah rit kaba dang 3 snem san bnai u bah Micheal Dkhar u la phla ruh ha ki pulit ba u dei uba la donkti ban leh be-i-jot ia ka khynnah kaba dang 11 snem karta bad hadien kata u la pyniap ia ka. Tang hadien ba la mih ki jingphla na u bah Micheal Dkhar ka la jia noh katei ka jingjia ha ka ing ka sem jong u.