Shah thang dukan ha Lyngkhat

Shillong,19 Naiwieng:
Nyngkong ka la mih ka jingujor na u Nintu Kuri na ka shnong Lyngkhat ba u sordar ka Lyngkhat u la byrngem byrsit ban thang ia ka ing bad ka dukan jong u lada um mih napoh shnong hapoh lai sngi, mynta pat utei u jur u briew u la ujor biang sha ki pulit ba ka jingkhang jong ka dukan jong u ka la shah thang ha Lyngkhat bad katto katne ka la don ka jingjulor. U Kuri u la ujor sha ki pulit ba ha ka miet 14 tarik mynta u bnai ha ka por 11 baje eiei u la lap ba ka jingkhang dukan jong u ka la shah thang. Ki pulit ki dang tohkit ia katei ka kam.
Ha kawei pat ka khubor , ha ka 17 tarik mynta u bnai ha ka por 8 baje mynmiet, ki runar ki bym lah ban ithuh ki la shoh la dat ia u Bah Earnestar Khongsar, 30 snem karta. Katei ka jingjia ka la jia Urksew,Wahpathaw –Pynursla. Utei u rangbah u la mynsaw bad la pynkit ia u mar-mar sha woodland hospital ban phah sumar.