Shah sospon lai ngut ki pulit, ba lait phet U bah Jyllud na painkhana

Shillong: 3 ngut ki pulit kiba dei ban pahara ia U bah David Lyngdoh lane U Bah Jyllud, ki la shah sospon mynta ka sngi, hadien ka jinglait phet tuh jong U Bah Jyllud na ka painkhana jong ka kashari U Deputy Commissioner, East Khasi Hills, Shillong.

U bah Steve Rynjah Superintendent of Police, haba kren ha ka kotkhubor The Shillong Times, u iathuh ba ia kitei ki lai ngut na sospon, halor ka jingleh sting jongki, ia la ka jong ka kam bad la ong ruh ba ki pulit, ki dang buddien bha ia utei u runar, ha kaba la kyrmen, ba kin ioh kem shen ha ki khyndiat sngi ban sa wan.

U Bah Jyllud, u dei uba donkti ha shibun ki kam tuh kam thiem kiba har rukom bad ula shah kem bad lait phet bun bunsien bad ula shah kem na Umdihar ha U Naitung 2017 bad hadien, ula shah kem biang ha U Nailar 2017 na Laitumkhrah bad ula shah set phatok ha Nongpoh haduh ba un da lait phet biang hynnin ka sngi.