Shillong,2 Iaiong:
U Manager jong kawei ka Wine Store u la mynsaw jur hadien ba u la shah siat ha ki runar kijba la kiengatiar bha, katei ka jingjia ka la jia ha Williamnagar,East Garo Hills ha ka por 1:15 baje mynsngi, ki pulit ki la suba jur ba kitei ki briew kiba la siat ia u Manager ki dei ki kynhun lehnoh jong ka ANVC(B).Utei u Manager u dei uba la tip kyrteng kum u Shushil Sangma. La iathuh ba ar ngut kitei ki suba lehnoh ki la tur sha ka wine store ba shong u Sangma bad ki la siat ia u na ki bynta jong ka kjat, ha kaba utei u manager u la don hapdeng ka jingmynsaw jur namar ka jingksam u kuli.
U SP ka East Garo hills u Davis Marak u la iathuh ba hadien ba la dep siat ia u Manager na ki byngta ki kjat kitei ki ar ngut ki lehnoh ki la phet krad noh, ia u Sangma la pynkit mar-mar sha kawei ka hospital ha Williamnagar bad kham hadien pat namarba la jur ka jingmynsaw la pynkit ia u sha Tura Civil hospital, la ong ba u don hapdeng ka jingshitom jur namarba ka la jur palat ka jingphlei snam.
U SP u la iatuh ba na katei ka jaka, ba la siat ia u Managere ki pulit ki la ioh kurup, kawei ka Pistol .32 , ki pulit ki la suba jur ruh ba katei ka kam ka dei beit ka ANVC(B) kaba la sam shithi dawa pisa na baroh ki Wine Store ha Williamnagar bad kaba la dawa ruh ha ki kyrteng jong ka Matchadu Matchabet (MM), ATF bad UALA bad kiwei pat ki kynhun lehnoh ba dang mih thymmai, u la ong ba la rejistar case ia katei ka kam bad ki pulit ki dang pynlong ia ka jingkhynra ha katei ka thain ban kem ia kitei ki lehnoh.
Phi don ban ong eiei?