Shah siat iap u snar lute, ka UP, naba kylla ka kali kaba kit ia u

U Vikas Dubey, u snar nonglute ba triem jong ka Uttar Pradesh, ula shah pyniap mynta ka step ha ki pulit. Katei ka jingjia, ka dei ha ka por, ba la shimti da ki pulit jong ka Special Task Force (STF) ban leit rah ia U Duey na Ujjain, kaba ha Madhya Pradesh sha Shivli, ha Uttar Pradesh; hynrei la iathuh ba katei ka kali, ka la kylla ha Kanpur bad ha katei ka por, U Dubey, ula pyrshang ban phet krad bad ha katei ka jingjia, ula shah shah siat iap noh ha katei ka jaka.

U Dubey, uwei na ki snar nonglute, uba triem bha, ula shah kem ha khmat jong ka Mahakal Temple, ha Ujjain, ha ka sngi palei bad utei u don ia ka dor kaba T.5lak, ha kaba ki pulit ka Uttar Pradesh, ki la tyrwa ia kito kiba iohi ia u.

U Dubey, ula lait phet naduh ka sngi thohdieng mynmiet, haba ki pulit, ki la leit ban kem ia u, na ka iing sah jongu ha Bikru, ha ki bynta jong ka Chaubeypur, ha Kanpur, hynrei hangtei ki pulit ki la shah siat naphang bad 8 ngut ki la iap ei ha katei ka jingjia. U Dubey, u don ha ka jingshah kynnoh ha ki 60 tylli ki kam tuh, kam lute bapher bad ula shah kynnoh ruh ba u pyniap ia uwei U MLA jong ka seng BJP, la arphew snem mynshwa, tangba ym shym la lap ia ki sabut kiba biang.