U kpa bad arngut ki khun shynrang jongu, kiba donkti ha kaba hiar thma ha ka sngi Easter ha Sri Lanka, ki la shah siat iap, haba ki shipai katei ka Ri, ki la leit hiar thma ia ka iing jongki, ha ki ar sngi mynshwa.
Ka iing kaba ki don ki shikpa shibun, ha kaba ki ia leh thma bad ki shipai.
Katei ka jingjia, la pynthikna da ki pulit jong ka Sri Lanka mynta ka sngi bad la iathuh ba U Zainee Hashim, U Rilwan Hashim bad u kpa jongki, U Mohamed Hashim, uba dei ruh uwei na kiba don bynta ban saphriang khubor ha ka social media, ba dei ban hiar thma bad pyniap lut khoit ia kito ki riew pyrshah niam. Kitei ki lai ngut, ki dei napdeng ki 15ngut kiba la shah siat iap ha ka Sngi Thohdieng, ha ka thain mihngi jong katei ka Ri.
Ka Sri Lanka, ka don mynta ha ka jing peit siar kaba jur bha bad la iathuh ba ki don 10hajar ngut ki shipai, kiba pahara ha kylleng ka Ri bad kiba dang thwet ia ki ehrang Islamic State kiba don ha kylleng ka Ri.
Phi don ban ong eiei?